野cache
呢个"野" 只系没在geocaching.com登记嘅意思，简单声明下。
原来天使在04年已经开始玩，近日佢揾翻张旧帖重新发布：
放點: 广州区永久Geocache Cache 创建成功
最近买左台有GPS功能的MIO P350，顺便同奇遇一齐横向测试下。结果真系令人失望，所以如果要买GPS，就老老实实买一台手持，PDA上面个D。。唉。。。硬件我就晤多清楚（已经号称系暂时PDA平台上最强嘎啦），不过软件就极度垃圾（城际通破解版），只系要单纯一个指方位的功能都没，当用户都系白痴（天才），有两种格式的坐标，但内不建转换工具（好在我自己写左个），距离计算出行日历乜都没，而且我发现仲有一个超巨型BUG，因为佢嘅对象系有车一族，所以将某个速度以下的移动判断成无效（即系话，如果你行得慢，个天才软件就会当你没郁过，然后，跳跃到一个佢认为可以接受的速度下记录的点，有聪明人士声称佢已经掌握消除这一误差的方法，就系，得闲"甩"下部机，用加速度来給GPS一个假像认为速度满足，我觉得佢真系好聪明啊），仲有导航一定要加载地图先得，没地图嘅部分佢会先揾个最短路径行出去有路的地方，再顺住佢有嘅路行过去，真系服得交关。
依家某个GPS论坛管理员兼卖仪器，推得最行就系呢部，从我依家嘅角度来睇，GPS方面完全系一部垃圾，不过佢死推人买，口水花喷喷，唉自己都受埋影响，因为佢嘅对象都系D没脑没文化嘅有车一族，卖，仲系靓价，贵出边500以上，好，算我倒霉，没车没老婆没仔女没没想像力人士没D接住天线扎部车出荒山野岭并导航至类似白云山如此大嘅目标嘅机会，凑钱，买部正经手持。好多意见啊对依家国内环境，geocaching起左个中文名叫"找开趣"，个D连longitude同latitude都分晤出嘅大叔好受落，晤识上官网揾内涵丰富的cache就围住管理员玩个D小众装住千篇一律垃圾玩具的污染环境烂胶瓶（我就未见过有人玩CACHE从包装到里面的物件都可以成个打包邮购嘅），为佢地感到不幸，遇人不淑带错方向。
好啦发左敢耐牢骚写翻正题，出发前急得制，将纬度的秒部分超成屋企个个，用奇遇转左下格式发觉同自己写个个相差好大，当时以为系整数点的0处理唔好没点为意翻来再改，落车后就知真系错左，应该在铁路的另一侧而奇遇上的指针却知响这一侧，没计靠寻日嘅功课同地图一路摸过去，无效，放弃，搭车回城，经过恒福路恒宝路交界，见到一个山岗仔同GOOGLE EARTH睇到嘅一样，即刻落车翻转头，寻日听爸爸话呢个位置比较危险，有好多河南来嘅的盲流聚居，所以从天桥跨入去草丛前都犹豫左一下，随着路径的深入，更多的手提包、挎包、公文袋的残骸出 现，有明显的人类活动痕迹（甚至见到"屎壳郎"在DIGGING一堆XXX），大致揾左15分钟，所有红色胶袋都搜过下，没发现，惊得滞就循原路返回，无 功而返。行左好多路，小北立交鹿景路恒福路环市路行左两个来回（一直都有立交桥响顶信号好差），不过可能都因为活动得多，翻到学校踩车去理实再去一期再响落雨前赶翻6楼宿舍都晤感到气喘，所以阿妈好支持我呢D活动。
近期埃塞俄比亚黄绿医生好HIT啊，几种版本都已经打包晒响度，下昼坐车翻屋企个阵朦胧间谂起8318正系我宿舍电话号码头四位，即系话我附近？我后面电话几多？醒左下，宿舍前四位系3 9 3 4 ，系3 9 3 4嘅~好下面时间交翻比节目主持人。。。
