爆左无尽藏 当住系

个宝石迷阵2（宝石迷情）系上学期考试前装的，惊死计时模式爆唔到就选左"轻松的无止境"为副标题的无尽模式。游戏规则人人都知，三个可以消去，四个消去可以出POWER，五个可以出HYPER，叠加消去分数*2敢升。下载个安装文件仲有病毒，不过都没删呢个游戏，可见系多么的吸引我。

最舒服的玩法系夜深人静一个人坐响屏幕前，拖曳下鼠标，消去一组，两组，出奇地消去三组，四组，顺心的时候似乎烟雾还未散去已经找到下个转换的位置，你没意，但宝石就系敢出现，偶然又确定地消去，一齐都不在自己的控制中，无妨，都系好事。渐入佳境时思绪就飘去其他地方，眼睛的焦点似乎落响显示器的背后，而你的手还在动，宝石仍然在碰撞中豪华地消去，慢慢地想，有乜需要再三考虑嘅野，唔开心嘅也，一次谂唔通就重新再谂，哪怕是谂到面部表情都出埋来，屏幕仲发住亮光，比黑色的墙壁似乎更能和你感同身受。

最近好似有野缠住自己，实习翻来仲安唔到心，功课做晒又觉得未做晒，温书就温唔入，做也出左力又好似未出晒力，我谂，当咩咩咩来临就可以解决晒问题，但咩咩咩其实系咩连我自己都唔知。以前处理问题都系先答应落来，然后再谂办法，dead line到来前万事都变得顺利，我觉得单系饶幸唔可以解释全部，似乎我有呢种天赋，总系交到货，不过依家好似唔再得，一步一步行紧过去（系forced face，唔系looking forward），越近越没力，跨呢步真系太难，仲有问题系跨去边个方向？

唔知咁嘅状态仲会维持几耐，依家只系好想翻屋企，学校好似有病毒，训落床眼睛同鼻就开始痕，用消毒水洗晒（晒晒）被铺枕头套床单都系没效，每日只有几小时可以昏沉地入睡，我都奇怪早上啄米没想像中犀利（我就会谂到一个超人动作，两手出两指，从太阳穴位置向前引出（死光），仲讲concentrate），但计算人类响呢个状态下倒下都系迟早嘅事，我唔想。

无尽模式打完一外圈就会响中间的盘（Stargate的DHD）放置一粒宝石，其实响考完试后、实习中午休息时、其他时间玩的时候都会谂过，如果我填满晒呢个盘会发生咩事？投先终于打完中盘加周围一圈的宝石，先发觉佢会出下一轮空盘，宝石多左一种闪烁的形式，重新积累，意味着无限。

无尽模式我改名叫无尽藏模式，纪念藏镜人。