跳转到主要内容

华师

Tony 提交于 周四, 2007-01-11 - 01:49
内容

其实应该系前日发的了,不过拖拖下就唔想发,投先先睇完越狱第一季,睇左二少少开头,个心都定D,聪明人VS聪明人嘅结局都系好结局,上翻来写埋先。

牛背岗系Harydeng上次玩广大时放嘅,唔讲我都唔知个度系敢叫,其实大学城我只系去过三间学校,包括埋自己个间,讲出来都没人信,而我都觉得屋企近嘅人会越唔想走动。大学城D信号特别好,开机没耐就捕捉到卫星,有个小技巧系如果冷机启动嘅话可以先向东西向行,方便揾到南北半球的卫星,单向北或者南唔系唔得,不过你会见到背住个个半球嘅指示系红色。(如果你屋企系西斜敢就要恭喜晒啦)

从宿舍过去直线距离1.4公里,觉得都唔会好远,但如果坐车就要几乎绕晒成个岛,天气敢好,索性行过去啦。一路上有离远嘅两对人同行,行左好远佢地都好似未达到目的地,敢我都觉得自己唔系好奇怪,又唔系入学校又唔系剩,仲行喔佢地。当我去到华师教科楼同宿舍楼之间个路口,先发觉呢度其实来过,除左多左D树、体育场建好外唔记得有乜唔同。

沿住山岗仔一直东行,上山,有D似藏宝嘅好地方,条路向左曲,指针向右,"闯入""茂林"了要,当提示仲有30米左右时前面已经没路,周围都系树、杂草,如果企响度唔郁嘅话就一D声都听唔到,好静,有蛇爬草都会听到(我惊有。。。同时希望真系有嘅话我会听到。。。)但拧转身,视线穿过树枝,就会见到橙色黄色嘅现代宿舍,我谂叫救命都有人听到挂,退翻出来,睇下有没其他地方可以兜路过去,情形大概就系好似字母"C"敢,当你离C只有几米,但你却在C的左边,你就要绕路从C的右边进入了。绕左几次,从D有人类践踏痕迹嘅地方尝试几次后都没结果(有度堆左好多草饼,好多好厚,踩上去软绵绵感觉好正,特别系对某D行为来讲呵呵),次次指针都系指到大概10米左右,视线就再不能跨越那些林木,我听阿妈前几日话报纸有个GPS出错嘅新闻(后来睇过唔系个回事),琳可能会敢挂,技术上都唔系没可能,就开始思考翻到去汇报用嘅词语,"the navigating keep jumping always"?定系直接"bad coordinate"?定系自己没勇气披荆斩棘,只系跨过去个层可能唔系好厚嘅物体?(其实钩烂左条鞋带了=_=) 好了今日收工了。

沿翻来路翻去,有教南1,2,3,4,猫儿住边幢呢?上左部76路,司机只系打左两蚊,执到?

晚黑新闻苹果发布iPhone,有人就即刻发左响iPhone上睇google map嘅短片(其实系之前),网上就有人就话正了正了,不过作为i代嘅重拳产品,功能方面几年前已经有其他产品做到,加上iPod的返修率,苹果嘅卖点剩翻我唔系几感冒嘅造型,不过佢仍然有市场,或者就系个D话正了正了的人吧,定系我过左个个年纪?

文章标签

添加新评论

此字段内容将保密,不会被其他人看见。

Filtered HTML

  • 网页和电子邮件地址自动转换为链接。
  • 允许的HTML标签:<a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <drupal-entity data-*>
  • 自动断行和分段。
有时候,快乐的经历留在心里就行了,不要留下证据,但我想可以和你一起快乐。

猜你喜欢

  • Hello funji, I replaced the cache in YunXiu Park published by you with a 700ml one today, everything in its original place. Now I think it's a "middle cache".
  • GPS测量实习,借机去珠海玩,地点已经讨论左好耐,相信大家学业旅行的时候都去过珠海,所以在样本方面没问题,分三组人,我响B组,用XT,仲有信标接收器(唔知点解D人叫佢bacon,我觉得似jar多D),两部Garmin奇遇,可以讲系条件最好嘅一组~ 原来测量系都有靓女啊,拿仪器过来嘅杨经理白白净净柳叶眉瓜子眼,露少少腰的圆领衫背着黄色耀眼的装备包真系唔话唔型,令人觉得接下来的工作唔会太乏味。
  • http://www.fboweb.com/antest/ge/intro.aspx 用Google Earth加载里面的KML目录就OK。 个D LAX BOS ORD ATL JFK应该系指起飞,降落,正常飞行之类的航班状态。
  • Centre of Guangzhou 从烈士陵园坐地铁直接到呢点,熟悉的地方,细个暑假个阵每日都会来呢度玩。
  • 作为国内公共地图服务的大佬Go2Map开放的地图API,呢度的例子,国内厂商,MapXtreme的二次开发,提供基本功能,冇搜索等功能,亦无法扩展,不算严格的API,不过有好过冇,插落网页到都几型。