夏天WC比较餲

Tony 提交于
内容

今个夏天好热,未到8.9月就已经出现38摄氏度,睇来多灾之年系走唔甩了。

晚黑送饭过阿公,讲下几时考试表妹又几时表哥点点点,吃吃下佢忽然问我几时毕业,我话明年7月,明年7月,个心沉左下,唔知你仲见唔见到呢日。之后帮佢冲凉,按摩,发觉佢只脚掌好柔软,没老茧死皮之类,皮肤光滑,对比隔离床个个成身发白光缩埋一够一日发出嘘嘘嘶嘶声嘅病人,一D都睇唔出系将走之人,以前佢有咩病屋企人都瞒住佢,今次藉口系等佢做埋眼部手术就出院,每年入一次院,一入院就系一张病危通知书,牵动全家上下,但最后都出得翻来,希望今次都系。 讲翻D开心野,今日见到表哥新女朋友,感觉几好啊,勤力斯文大方得体,得闲识同你去市场买餸煮饭,唔知阿婆点解会唔钟意佢,两老表打眼色比佢,正喔未来阿嫂,希望表哥正正经经D,将盘生意仔做起来养家啦。

下午去越秀山更换个cache,出发前揾下用乜野去换个Geocoin翻来,揾集邮簿个阵揾到本亮银色封面大版铜纸印刷品,系周末画报300期纪念号,日期2004年11月,一本应该系佢嘅而响个个尴尬嘅时刻出现嘅佢钟意睇嘅野,一定要揾时间比佢。继续去翻主线,越秀山个度岩好有个小型水管工程经过目标,所以等左我成个下昼,最后都换到,拿左硬币,晚黑同funji通讯话换左个罐,佢话好开心有人帮佢maintain添。

最后展示下,一枚Abigail''s Coin (China Geocoin),编号476 :

另:今日Billy都揾到呢个cache了,不过。。。睇来我寻日嘅伪装做得非常好! 8-)

以后geocaching嘅更新会专门用呢度来记录。

文章标签

评论

ms08

2006-06-29 09:10, 星期四

依家系末世时期, 当然多灾难啦。 不过死就无人避得到既。 死于安乐就系做人最大幸福。 不过依家D人追求系, 生于安乐多D。 新阿嫂都起心, 你都几狼播。 旧个个你见过? 点样? 正吾正? 编号:476(死七佬) 好正啊!

添加新评论

此字段内容将保密,不会被其他人看见。

Filtered HTML

  • 网页和电子邮件地址自动转换为链接。
  • 允许的HTML标签:<a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <drupal-entity data-*>
  • 自动断行和分段。
有时候,快乐的经历留在心里就行了,不要留下证据,但我想可以和你一起快乐。

📚 页面/专题/手册

🏷️ 标签云

猜你喜欢