晚黑响枯木村杀左一对男猎人女盗贼夫妇两次，呢个叫做亲手破坏他人幸福，哇咔咔，撞正三人成虎，抵死咯（其实系寻晚被一盗贼1VS3输得好郁闷（更加关键系我地系三个寡佬））。
阿妈打电话来问我有没节目，唔洗问都知距个仔没沟女（其实系追唔到）又点会有节目。
WOW真系好精彩阿，今日主题系分配，响个个唔知乜乜地方猎豹猎虎猎龙，分配物品就好讲策略了（其实都系一齐做，只系想斗快少少收集齐），举例会容易明D，甲乙丙三人，场景内有ABCD四种怪N只，因为我地比较弱，所以每次只打一只怪（拿，落副本的人才啊），四种怪都会跌落物品，分配方式系每人执一次，但只有A怪先会跌任务物品，所以如果边个可以连续几次岩好轮正执A怪兽尸体就可以抢先完成任务了，所以具体情形就可以想像到，阿甲为左不轮D怪兽而冒险打A，但两只怪会比较麻烦，所以乙丙都会帮手打怪A或D（呢度可以有人计上计），前期都没乜问题，但后期抢个阵就有好多精彩场面，应该轮到打A怪甲拿物品，但乙故意引埋B怪来，变A为绵羊，按常理就打B怪先敢就系甲拿B怪乙拿A怪，丙搞鬼引埋C怪，逼距地最后先处理B再C最后A，情形就系敢，但我地的确比较水，打3只怪会好紧张激烈（全团覆灭好正常），加上WOW好精彩的仇恨系统，战士嘲讽引怪，法师AOE引怪，猎人又AOE叫猪仔低吼破坏引怪，虽然系短短十几秒，不过你来我往左已经数招，战斗完后执到也个个肯定拍手欢呼，就算点抢都好，彼此间的合作都得到锻炼，WOW好讲究配合，真系好玩！韩国泡菜认真唔店！
介绍下，如果你打算加入魔兽行列，我建议就系选择侏儒扎大辫的角色，因为真系好鬼死可爱啊（特别系学工程学嘅整埋眼镜嘅话）（路上见到敢多联盟，除左系问号问号嘅同埋侏儒角色我地都会出手），我同冰棍妹都开左个新号，两个侏儒女性法师，叫做TWINS！ :pint:
今落左阵细雨，都停左落来走出去走廊睇湿漉的地面。
添加新评论