好耐好耐没上来，讲翻呢段之间嘅一D事情。 上几个星期有人响学校BBS度发帖话邀广大转笔爱好者出饭堂聚下，我过左去睇表演，好容易认出班人，台面几个笔袋，一堆自制笔，有D跌笔声，时值D学生会团委换届，最少人个围都系其中一个判断标准。人唔多得6个，主持人不断话唔信广大得敢少人转笔（论坛条贴盏下眼就消失左），然后介绍左下国内外转笔嘅情况，响国内系南方多人转，香港水平最高，而国外水平又高过国内，韩国又好过欧美敢。呢种分布规律有D似网GAME或者系D X运动，相对自由嘅地区水平较高，我讲左句“系有特立独行的个体选择”，距地话赞成，没乜人理解距地转笔，有人甚至痴迷到曾经一个人坐响度转到通宵。而且呢个系需要锻炼以及技巧的活动，从而将转笔从普通爱好中区分出来。系啊，睇住距一边转笔一边念念有词charge sonic shadow thumbing，成个世界好似得距一个响度敢。 上个星期六日落左成日雨，计划好嘅寻宝活动只好推迟到今个周末，希望听日唔好落雨啦。XOOPS嘅Googlemap modules出到0.4了，用左Google map api v2，好多地区都清晰左好多。 3个月之后终于拿到信用卡（2.25-5.26），所以我认为个D信用卡的校园推广行为肯定有大陷阱，觉得外币信用卡就好似九十年代初期有香港亲戚敢，可以有办法买到市面上买唔到嘅也。（当然前提系。。。） 寻晚同好耐好耐没见面嘅人讲也，距讲左句令我好惊奇好惊奇嘅也，断线得好离谱，不过唔想否认没断线而没问到乜回事，MISS关得闲来玩啊（呢度骤眼睇落去好似打错字），上年份。。。仲响度。。。 个日转笔嘅片段可以右键呢度下载来睇。
首先介绍下晶晶同学，初中两年隔离位，一齐响班主任到补足三年习，父母开家长会个阵一见如故，过年互封利是都达到人民币纸币面值最大只单张，中午去机室，放学一起走（去机室too），去老师屋企补习前（机室three）（只系某个阶段），或者中午踩去二沙岛，唔落车直接从海印桥楼梯级铲落去，顿几次之后一齐将部车摆去财记（？）到调钢线，去对方屋企吃饭之类，老窦对初中的同学都没乜印象，除左晶晶。如果对近年升中报考有留意嘅话，打开5中信息个栏，响课外活动照片个度见到个成座黑塔嘅人就系距。
距响CA翻来，今晚同我，秋仔吃饭，少不了讲翻初中的同学，从学号1号开始讲，但发觉按圈子来分类会较容易引起回忆，“坐响后面高个堆女生”，“坐响前面矮个堆女生”（被秋仔打左下），“成日换单车零件个D人”，原来系埋一齐的个对后来点，后来边个追边个原来一直唔觉，已经毕业嘅人，响外地求学嘅人，边个原来系les，边个依家好掂，贿赂监督冬季长跑的体委，要一笔一笔数来计先可以收的生委，住学校附近的学委，块面似香蕉（后来更正为月亮）的？？，被番碱强拉左落INTERNET水，老黎的“冰冻三日非一日之寒”，讲到秋仔都话“没晒privacy”，敢就过XX天地打机，赛车、射击都系一直敢钟意玩，以前1945II过唔到第一轮，今日一样过唔到第一轮，好尽兴，玩到收档先走，天落住小雨，距话要行翻屋企，在车上望住距，一个大份的双脚行起路来有D分叉的姿态，亮白的鞋子，显得暗淡的行人，单肩背包，用手拨下头上的雨水，同6年前一样，先觉得投先讲得太少，没人知距出左去几年的艰辛，翻来后只有2人出来聚会，咧开嘴笑牙齿好白，对住人，距就系敢笑。
我话我地3个都没变，距话得距变左，变靓仔左。
本来要煲星际之门，
点知个FTP无开！
稳左个听讲几有名既剧煲〈越狱〉，
出到第20集，
一睇发觉真系好正啊！
男主角好靓仔！ 
剧情仲犀利！ 
女主角好似有两个，
天使靓女医生原来都有堕落既过去啊！ :pint:
顺便知道埋精神分裂症点来，
原来智商低既人患左"潜在压抑症"就系精神分裂，
智商高患左就变创造天才！
智商高既人好着数姐，
有病就系天才。
落左成日雨，直到下午先可以出去活动下，晚黑个餐懒得煮，索性吃餐劲饱的下午茶。卖报纸阿婆未上来，玩手机，用蓝牙搜索一遍，没发现，吃也，过一阵，见到有个来自John的蓝牙接收请求，提示系个叫做commwarrior的软件，以为系游戏，接受，安装，然后用蓝牙反搜到底系边位，揾来揾去都没结果，以为系玩家将自身设为不可见，没理到，过一阵，又系同样嘅请求，再搜，没料，开始有疑惑，手机多左"正在发送"的提示符号，通常系发彩信需要长时间才会出现，睇接收名单，系D好久都没联系嘅人，主题系""sex" software"，知道中招，有人发翻短信话打唔开彩信附件提示格式不被允许（SIS），装杀毒，发觉虽然表面系关左蓝牙，但病毒仍会在背后使用蓝牙信道不断尝试发比其他手机，检查一遍，删除中毒文件就没事了。不过都发左差不多10条彩信出去，得一个有回应，希望其他人没事。。。
发觉联系好有趣，唔小心入左无线电版，通过大气电波就可以同地球背面的人联系我谂有自由思想的人都想尝试，未考牌前只可以用0.5W以下的产品（今次知自己只系想玩下，所以唔会继续），所以买左对Moto5228，听讲响建筑物内都可以穿透19层地板，我只系想可以从B22到B19就得了。
附上《业余无线电爱好者准则》，我觉得呢班人真系威喔！ :-?
体谅 Considerate 他从来不故意用影响他人快乐的方式进行操作。
忠诚 Loyal 他对其他无线电爱好者、地方俱乐部和代表本国的国家协会表现忠诚、鼓励和支持。
进取 Progressive 它的知识与科学发展同步，因此精心制作设备、使用效率卓越的电台及用心的操作是引以为豪的事情，不会因水平不高丧失进取心。
友爱 Friendly 应对方的要求缓慢而有耐心地发送、对初学者友好地指导和讨论，为他人的利益提供善意的帮助、合作和考虑，这些是业余精神的标志。
适度 Balanced 无线电是业余爱好，不容许因此妨害他的家庭、工作、学业和对社会应尽的义务。
爱国 Patriotic 他的电台和技能时刻准备为国家和社会服务。 
LOST太吊瘾，所有悬念集中在一齐，仲要迟迟唔披露，所以依家见到有"悬念"都唔洗放在心上，4400相对有趣得多，POINT一个紧接一个，而且有时会互相矛盾，揭示一个悬念就随即制造一个新的悬念，一路睇过去觉得好过瘾（不过男主角就 :-? ），第二季载完，所以要追翻齐都唔难。
第一季原声大碟下载，推荐worry about you同she will be loved：
http://www.megaupload.com/?d=11T5EUJW
